Topat dhe raketat kanë nisur të zbrazen këtë mëngjes mes Armenisë dhe Azerbajxhanit, në një kohë që të dy veç zjarrit, kanë akuzuar edhe njëri-tjetrin për prishje të armëpushimit.
Lufta midis Armenisë dhe Azerbajxhanit për rajonin e Nagornia-Karabakut ka vazhduar edhe pse ndërkombëtarët u munduan të negocionin armëpushimin.
Dy ditë më parë dy palët vendosën një armëpushim për arsye humanitare, pasi shumë njerëz kanë humbur jetën, pas fillimit të luftën, midis tyre dhe civil. Ndërkohë ditën e sotme, Armenia ka akuzuar Azerbajxhanit se ka shkelur armëpushimin e vendosur për arsye humanitare, pasi ka ajo ka nisur bombardimet.
“Armiku, ka shkelur edhe një herë marrëveshjen e armëpushimit për arsye humanitare, duke gjuajtur me raketë në drejtim verior nga ora 00:04 në 02:45 ditën e djeshme dhe në drejtimin jugor nga ora 02:20 deri në 02:45”,- ka thënë përmes Twitter përfaqësuesja e Ministrisë Armene të Mbrojtjes, Susan Stepanian.
Ndërsa Azerbajxhani ende nuk ka reaguar në lidhje me këtë deklaratë. Dy ditë më parë, Armenia dhe Azerbajxhani vendosën një armëpushim për arsye humanitare, deklaratë të cilën e bëri Ministria e Jashtme e Armenisë.
Lufta mes dy vendeve ka shpërthyer disa javë më parë, për rajonin e Nagorni-Karabakut. Konflikti i cili ishte shuar prej vitesh dhe është rindezur sërish.
Rajoni është i njohur ndërkombëtarisht si pjesë e Azerbajxhanit, por i kontrolluar nga armenët. Kur u shkëput në fillim të viteve 1990, dhjetëra mijëra njerëz vdiqën në luftime.
Ndërkohë lufta vazhdon, pasi presidenti i Azerbajxhanit, Ilham Aliyev, ka deklaruar se, është i sigurt për të rimarrë kontrollin mbi rajon dhe vazhdon ti mbështet kësaj deklarate.
Të dy vendet fajësojnë njëra-tjetrën për nxitjen e luftës, ndërkohë që shumë vende u kanë bërë thirrje për të ndaluar. Ndërkohë që disa ditë më parë, vendet ranë dakord për një armëpushim në Moskë, por ai nuk u respektua dhe të dyja vendet vazhduan luftimet.
/Burimi: CNN/Përktheu: GazetaReforma.com/
