Ditën e sotme policia e Arezzo-s në Itali, ka nxjerr dy urdhër-arreste ndaj dy shqiptarëve, të cilët në bashkëpunim me njëri-tjetrin kishin organizuar disa vjedhje me armë në qendrën e qytetit.
Lajmin e bëjnë të ditur mediat italiane, ndërkohë theksohet se shqiptarët po planifikonin dhe grabitje të tjera.
Mediat italiane theksojnë se episodet kriminale ndodhën mes mesit të tetorit dhe fillimit të nëntorit të vitit të kaluar, kur grupi synonte 5 institucione publike, të gjitha baret që ndodheshin në qendrën historike të Arezzo, në Via Fiorentina, në zonën Tortaia, në Saione dhe në qendër të komunës së Capolon.
Hetimet treguan se grupi funksiononte në një kujdes të plotë. Ata fillimisht vëzhgonin me kujdes vendin që do ta grabisnin, duke përgatitur terrenin. Anëtarët e grupit hynin në bar, duke pirë një pije, ndërsa papritur ata ktheheshin në të dhunshëm.
Për t’u larguar, banditët e dyshuar përdornin makina, shumica e të cilave ishin të vjedhura. Dy shqiptarë u dërguan menjëherë në paraburgim, kurse një i tretë u dëbua nga vendi dhe nuk është më në Itali.
