Ndryshimet klimatike, ngrohja globale, ndotja dhe së fundi prishja e miliona hektarëve pyje tropikale në të gjithë botën nga zjarret masive, kanë bërë që fauna globale dhe veçanërisht disa specie kafshësh të jenë në rrezik absolut.
E tillë është edhe koala australiane, e cila duke qenë një kafshë paqësore dhe dembele, është në qendër si të dëmtimeve dhe rreziqeve natyrore, ashtu dhe atyre njerëzore.
Numri i koalave në të gjithë shtetin australian të “Uellsit të Ri të Jugut” është në rënie të qëndrueshme, për shkak të stresit në sistemin e tyre imunitar të shkaktuar nga shkatërrimi i habitatit dhe zjarret, sipas një studimi të ri.
”Pastrimi masiv i tokës, humbja e habitatit nga zjarret dhe valët e nxehtësisë, çuan që sistemi imunitar i koalës të mbingarkohej nga një presion shtesë”,- theksoi autori i studimit, Edëard Narayan.
“Të dhënat tregojnë se koala po operon në kufirin e sipërm të pragut fiziologjik për të përballuar ndryshimet mjedisore”,- theksoi ai.
Ai zbuluan se popullatat kanë rënë në mënyrë të vazhdueshme kryesisht për shkak të sëmundjeve, më e zakonshmja prej të cilave është klamidia, ndaj së cilës ato janë bërë më të ndjeshme për shkak të “ekspozimit të zgjatur ndaj faktorëve stresues”.
Studimi, i botuar të mërkurën në revistën ”PLOS ONE”, paralajmëronte se trauma dhe sëmundjet mjedisore po e shtynin koalën “në prag të zhdukjes”.
/GazetaReforma.com/
