Shkatërrim helikopterësh e bombardime, ashpërsohen luftimet mes Azerbajxhanit dhe Armenisë

Armenia dhe Azerbajxhani prej më shumë se 30 vitesh, janë në konflikt të ashpër për rajonin e Nagorni Karabakut.

Luftimet janë ashpërsuar tashmë, më të ashprat prej nga viti 2016.

Turma njerëzish janë mbledhur në qendër të kryeqytetit gati për të shkuar në frontin e luftës.

Shtetet kanë shpallur gjendjen e luftës.

Sipas rebelëve në Republikën e vetëshpallur të Nagorni Karabakut sulmet kanë filluar nga Azerbajxhani.

Kryeministri i Armenisë, Nikol Pashijan ka bërë të ditur në tëitter, se „pala armene” ka shkatërruar dy helikopterë azerbajxhanas.

Ushtria e Azerbajxhanit ka bombarduar të dielën në mëngjes, rajonin me shumicë armene, shprehet pala rebele.

Luftimet kanë shkaktuar edhe shumë reagime ndërkombëtare.

Rusia ka bërë thirrje për armëpushim, ndërkohë BE i kërkon palëve të rikthehen në bisedime.

Turqia i ka bërë thirrje Armenisë të heqë dorë nga „qëndrimi armiqësor”. Ankaraja është aleat i rëndësishëm i Azerbajxhanit.