Komisioni i Pavarur i Kualifikimit ka shkarkuar ditën e sotme nga detyra gjyqtarin e Apelit për Krime të Rënda, Idriz Mulkurtin.
Vetë gjyqtari ka munguar në të gjithë procesin, por nuk është paraqitur as në seancën dëgjimore. Mulkurti u mbrojt nga avokati Sokol Hazizaj.
Në këtë seancë dëgjimore janë konstatuar disa probleme me pasurinë e gjyqtarit. KPK konstatoi mungesë burimesh të ligjshme për këstin 20 mijë euro të një apartamenti por edhe shkollimin e djalit të tij në Britaninë e Madhe, ndërkohë që avokati i gjyqtarit të Apelit për Krime të Rënda kontestoi trupin gjykues dhe analizën financiare.
Drejtoria e Sigurimit të Informacionit të Klasifikuar, nuk kanë gjetur probleme për figurën, duke e cilësuar gjyqtarin Idriz Mulkurti si të përshtatshëm për vazhdimin e detyrës lidhur me këtë kriter.
Edhe për profesionalizimin ai është vlerësuar pozitivisht duke u cilësuar si “mesatar”. Në dy denoncimet e kryera nga publiku, komisioni nuk ka gjetur indicie për hetim.
