Ka nisur operacioni për shkarkimin e 102 kontejnerëve me mbetje të dyshuara si të rrezikshme në Portin e Durrësit.
Anija “Moliva” kishte qëndruar për 12 ditë në det, pasi nuk ishte krijuar infrastruktura e duhur për të mundësuar vendosjen e ngarkesës në një zonë ku mund të monitorohej gjatë gjithë kohës.
Sipas burimeve nga Porti dhe Kapiteneria, 102 kontejnerët me mbetje të dyshuara si të rrezikshme do të transportohen në një zonë të caktuar në Porto Romano, ku do të jenë të rrethuar me mur të lartë dhe do të mbikëqyrën 24 orë, në përputhje me kërkesën e Prokurorisë së Durrësit.
Pas vendosjes në këtë hapësirë të sigurt, do të merren kampionë nga secili kontejner për t’u dërguar në një laborator të specializuar për analizë.
