Ditën e djeshme 9 deputetë demokratë shkarkuan Rudina Hajdarin dhe zgjodhën si kryetar të ri të Grupit Parlamentar, Korab Litën.
Pavarësisht votimit të Grupit Demokrat, Hajdari nuk e ka njohur vendimin e kolegëve të saj, çka mund të sjellë përçarje brenda të dajthtës.
Lita ka sqaruar para mediave ditën e sotme, se përse ka ndodhur kjo lëvizje brenda PD-së.
Ai është shprehur se Hajdari ka zhgënjyer besimin e deputetëve të tjerë demokratë, shkruan “Faxweb”.
Ai pretendon se Rudina Hajdari ka diktuar në mënyrë verbale dorëheqjen e saj përpara grupit.
Më tej Lita shton se në garë për postin ishte edhe Halit Valteri e Alban Zeneli.
Ndër të tjera Lita sqaron se edhe në rast të largimit të Valterit, nuk ka rrezik për shkrirjen e Grupit Demokrat, pasi është i përbërë nga 8 deputetë.
“Pasi janë paraqitur të gjitha problematikat, i është kërkuar zonjës Hajdari të tërhiqet nga drejtimi i grupit, dhe të vazhdojë më detyrat e tjera që ka në mbështetjen të grupit. Pas bërjes prezentë të shpërdorimit të besimit tonë prej 6 muajsh si në aspektin organizativ, politik dhe deri tek ai ligjor. Zonja Hajdari në mënyrë verbale deklaroi dorëheqjen e saj para grupit. Në garë isha unë, Halit Valteri dhe Alban Zeneli, që të dy më mbështetën mua dhe vendimi ishte unanim. Nuk ka asnjë rrezik për shkrirjen e grupit demokrat, edhe në rast se Halit Valteri vendos që të largohet pasi ne jemi 8 deputetë”, tha Lita.
