Nënkryetari i Lëvizjes Socialiste për Integrim, Petrit Vasili ka reaguar me anë të një postimi në rrjetet sociale për shkarkimin e Presidentit Ilir Meta prej Kuvendit. Vasili ka akuzuar opozitën parlamentare për shkarkimin e Metës.
Vasili thotë se ‘pupacët’ nuk zhgënjyen dhe hodhën votat sipas tagjisë së Ramës duke shtuar se tashmë i morën peshqeshet e beharit.
Ai ka shkruar ndër të tjera se sot deputetët ia hoqën pak orë hallin Ramës, por nesër kur mos jenë më kryeministri i Shqipërisë do e ketë pisk.
“Pupacët gjithsesi nuk na zhgenjyen, i hodhen votat sipas tagjise se Edi Rames.
Keqardhje e madhe, qe nje pjese te madhe te pupaceve nje perdorimsh nuk do ti shohim më.
Pupacet i moren peshqeshet e beharit dhe jane bajagi te kenaqur, ndersa shqiptaret do vazhdojne te marrin ushqime me fletoret e sevapit.
Pupacet i mbushen nja tre ore TV-te dhe ja hoqen pak ore hallin Edi Rames, po neser qe pupacet s’jane më dhe dite e muaj te gjate e presin…. ai do ta kete pisk vertet!”, ka shkruar në rrjetet sociale, Petrit Vasili.
Kujtojmë se Kuvendi votoi ditën e sotme pro shkarkimit të Presidentit Ilir Meta me 104 vota pro, 7 kundër dhe 3 abstenim.Por megjithë shkarkimin nga Kuvendi, vendimi nuk hyn në fuqi pa u shprehur gjykata Kushtetuese. Nëse edhe Kushtetuesja e gjykon veprimtarinë e presidentit si shkelje të rëndë kushtetuese, atëherë Meta hyn në histori si presidenti i parë i shkarkuar nga Parlamenti në 30 vite demokraci.
