Gjykata e Posaçme e Shkallës së Parë dha masën e sigurisë “arret me burg” për Jamarbër Malltezin, i cili ditën e sotme ka apeluar vendimin Apelin e Posaçëm.
Dhëndri i ish-kryeministrit Sali Berisha u arrestua nga autoritetet në datën 21 tetor në aeroportin e Rinasit me urdhër të SPAK, nën akuzëat për korrupsion dhe pastrim parash lidhur me privatizimin e ish-kompleksit sportiv “Partizani” në kryeqytet.
Kujtojmë se për Malltezin është dhënë edhe urdhri për sekuestrimin e pasurive të tij, mes të cilave apartamente në zonën ku ndodhej ish-kompleksi sportiv.
Të përfshirë në hetimet e SPAK janë edhe ish-kryeministri Berisha dhe biznesmeni Fatmir Bektashi. Berisha akuzohet për korrupsion pasiv, dhe ndaj tij GJKKO ka vendosur masën “detyrim paraqitje” si dhe i ka bllokuar pasaportën për të mos i lënë mundësi që të largohet nga vendi, ndërsa Bektashi akuzohet për korrupsion aktiv dhe gjithashtu ka masën “detyrim paraqitje”.
