Policia ka arrestuar 45-vjeçarin me inicilae H.Sh., i cili shkaktoi aksidentin me pasojë vdekjen në aksin Tiranë-Fushë Krujë nëTapizë.
Ky i fundit teksa drejtonte mjetin e tij, është përplasur me një mjet tip “Volkswagen” dhe më pas me një autobus.
Si pasojë e përplasjes, drejtuesi i “Volkswagenit” ndërroi jetë në vend”.
Njëkohësisht mbetën të lënduar shtetasit V.Xh., A.Xh., R.D., M.D., T.Gj., K.Gj., T.L. dhe Xh.L.
Të plagosurit ndodhen në spital jashtë rrezikut për jetën.
Njoftimi i Policisë së Durrësit:
Arrestohen në flagrancë 3 drejtues mjetesh.
Specialistët e Qarkullimit Rrugor në Drejtorinë Vendore Durrës, arrestuan në flagrancë shtetasit:
H.Sh,45 vjeç, banues në Tiranë. Ky shtetas në aksin rrugor Tiranë – Fushë Krujë, në Tapizë, duke drejtuar mjetin tip “Benz” është përplasur me mjetin tip “Volksëagen” e më pas është përplasur me mjetin autobuz tip “Benz”. Si pasojë e përplasjes ka ndërruar jetë në vend drejtuesi i mjetit tip “Volkswagen” shtetasi F.Xh.,59 vjeç, si dhe kanë mbetur të dëmtuar shtetasit V.Xh.,A.Xh.,R.D.,M.D.,T.Gj.,K.Gj.,T.L.,Xh.L., pasagjerë në mjetet “Volksvagen” dhe autobuz “Benz”, të cilët ndodhen në spital jashtë rrezikut për jetën.
A.Ç.,28 vjeç, banues në Durrës, pasi në lagjen nr.4 Durrës, u kap duke drejtuar mjetin tip “Benz” në gjëndje të dehur dhe pa leje drejtimi.
Z.M.,56 vjeç, banues në Durrës, pasi në lagjen nr.8, Durrës u kap duke drejtuar në gjëndje të dehur.
Materialet i kaluan Prokurorisë së Rrethit Gjyqësor Durrës për veprat penale “Shkelja e rregullave të qarkullimit rrugor” dhe “Drejtimi automjetit në mënyrë të pa rregullt”.
