Kristjana Beqiri, TikTokerja e njohur shqiptare, ka reaguar në lidhje me ngjarjet tragjike që kanë ndodhur së fundmi, përfshirë vrasjen e 14-vjeçarit Martin Cani në Tiranë dhe ngjarjen e vdekjes së Klajd Mancakut. Ajo ka shprehur pikëllim të thellë dhe ngushëllime për të dyja rastet tragjike në rrjetet e saj sociale.
Në postimin e saj, Kristjana ka shkruar: “Për të dy rastet ndjej pikëllim dhe dua të shpreh keqardhjen time për të miturin 14-vjeçar. Paqja qoftë mbi ty shpirt i vogël. Gjithashtu, edhe për Klajd Mancakun, shumë pikëllime dhe me zemër të thyer, qofsh në Xhenet. Për asnjë nuk ke pasur mundësi të tregoje zemrën tënde, ju them vetëm një gjë, mjaft me flliqje, mjaft me mllef, mjaft me keqedashësi, mjaft me negativitet”.
Në këtë moment të vështirë, Kristjana ka shpërndarë mesazhin e saj të fuqishëm, duke apeluar për ndaljen e urrejtjes dhe negativitetit në shoqëri. Ajo ka theksuar se ky është një moment për të reflektuar dhe për të ndihmuar njëri-tjetrin, duke u distancuar nga ndjenjat e urrejtjes dhe fyerjes.
Përveç kësaj, Kristjana ka pasur një periudhë të vështirë emocionale, për shkak të komentet negative që merr shpesh në rrjetet sociale, të cilat e kanë ndikuar psikologjikisht.
Ajo ka shprehur publikisht shqetësimin e saj për kritikat dhe akuzat që ka marrë, përfshirë komente të pahijshme që lidhen me jetën e saj personale, përfshirë akuzat se ajo ka vjedhur pensionet e të moshuarve.
Këto bullizime kanë kontribuar në një rritje të stresit dhe presionit psikologjik që Kristjana ka përjetuar, e cila ka arritur në një moment shumë të vështirë, duke tentuar vetëvrasjen. Ajo u dërgua me urgjencë në spitalin e Traumës në Tiranë, ku mjekët mundën ta stabilizojnë dhe ajo është jashtë rrezikut për jetën.
Në vitin 2023, Kristjana Beqiri u bë e njohur për një ngjarje të rëndë, ku ajo së bashku me të dashurin e saj, Julian Kiptiu, hynë në shtëpinë e një të moshuare në Lushnjë me qëllim grabitje.
Ajo përdori një mashtrim për të hyrë në banesë, dhe pastaj spërkati të moshuarën me spraj lotësjellës dhe e dhunoi, duke e mbyllur në një dhomë.
E moshuara, Lume Zela, u kërcënua me jetë nëse nuk do të pushonte së foluri. Ky akt i dhunshëm u dënua, dhe Kristjana u bë subjekt i kritikave të ashpra për veprimin e saj të dhunshëm.
Në këtë periudhë të vështirë, Kristjana ka kërkuar mbështetje dhe ka apeluar për një shoqëri më të mirë dhe më të dashur, duke i bërë thirrje njerëzve që të ndalojnë urrejtjen dhe të ofrojnë mbështetje për njëri-tjetrin.
