Përballja mes Serbisë dhe Portugalisë nuk u mbyll ashtu siç duhet për portugezët pasi nuk morën 3 pikëshin e kërkuar. Pas përfundimit të ndeshjes Cristiano Ronaldo hodhi shiritin e kapitenit të tij në tokë në nerva e sipër pasi nuk mori golin e merituar edhe pse topi kishte kapërcyer qartë vijën kundër Serbisë, duke e lënë Portugalinë me një pikë në vend të të treve.
Sidoqoftë, momenti i zemërimit të super yllit portugez mund të përfundojë duke qenë një mbrojtës jete, duke pasur parasysh që shiriti u mor nga një roje dhe tani po përdoret për të mbledhur para për një fëmijë të sëmurë në Serbi. Një punëtor i stadiumit mori shiritin nga toka dhe ia dhuroi atë një organizate për fëmijë, e cila po kërkonte fonde për një fëmijë gjashtë muajsh serb me atrofi muskulore kurrizore.
Fëmija ka nevojë për 2.5 milion euro për trajtimin dhe operimin e tij, dhe organizata bamirëse për fëmijë e ka vënë shiritin e kapitenit te portugezëve në ankand. Gazeta serbe Telegraf ka raportuar se, në orët e para të daljes në ankand, ajo ishte bërë tashmë një rekord kombëtar në lidhje me pajisjet sportive dhe duket se arritja e shifrës së nevojshme nuk do të jetë problem.
