Pandemia ka shkaktuar gati 6.9 milionë viktima në të gjithë botën, më shumë se dyfishi i shifrave të raportuara, sipas një analize nga Universiteti i Uashingtonit dhe Vlerësimit të Shëndetit (IHME).
Sipas këtij raporti, viktimat nuk raportohen, pasi shumica e vendeve regjistrojnë vetëm ato që ndodhin në spitale, ose të pacientëve që kanë testuar pozitivë. Deri më tani, janë regjistruar 155 milionë raste dhe 3.25 milionë viktima që nga fillimi i pandemisë. Vdekshmëria e raportuar COVID-19 është e lidhur me nivelet e testimit në vend.
Shifrat zyrtare nga Qendrat Amerikane për Kontrollin dhe Parandalimin e Sëmundjeve të mërkurën vlerësuan se numri zyrtar i viktimave në SHBA është 575,491. Raporti përfshin vetëm vdekjet e shkaktuara direkt nga virusi, jo vdekjet e shkaktuara nga problemet në sistemet e kujdesit shëndetësor dhe komunitetet.
Ndërkohë, India raportoi ditën e djeshme më shumë se 400 mijë raste brenda një periudhe 24-orëshe, ndërsa numri i viktimave nga virusi, u rrit në një rekord prej 3 mijë 980 personash. Kombi i Azisë Jugore, ka shënuar mbi 21 milionë raste në total. Numri i personave që kanë vdekur për shkak të COVID-19, ka shkuar në 230 mijë e 168, sipas të dhënave të Ministrisë së Shëndetësisë. Situata e shkaktuar nga pandemia në më shumë se një vit, ka ndryshuar edhe mënyrën si njerëzit po e jetojnë jetën e tyre./abc
