Shifrat alarmuese të aksidenteve në rrugët shqiptare vijojnë të shënojnë rritje. Vetëm në muajin shtator të 2020—ës, janë regjistruar 138 aksidente, 16 më shumë se në po të njëjtën periudhë të 2019-ës, ose 13.1% më shumë.
Si pasojë, edhe numri i të vdekurve nga aksidentet ka qenë më i madh. Janë katër të vdekur më shumë në rrugët e vendit tonë. Por cilat janë shkaqet që aksidentet rrugore vijojnë të marrin jetë njerëzish, apo edhe të lënë persona të gjymtuar?
Faktor sipas ekspertëve, mbetet mungesa e kulturës së sigurisë rrugore. Trafiku nuk është i rregulluar, dhe gjithashtu agresiviteti i përdoruesve të rrugës është i tepruar.
Por, edhe infrastruktura po mangësitë e saj. Shumë rrugë janë të lëna përgjysmë, apo nuk kanë sinjalistikën e duhur rrugore, atë vertikale dhe horizontale.
Krahas shpejtësisë, dhe përdorimit të alkoolit dhe celularit në timon, për ekspertët, shqetësues është edhe përdorimi i lëndëve narkotike nga shoferët. E rekomandueshme është edhe pajisja e policisë rrugore me aparate që kontrollojnë nëse drejtuesi ka konsumuar lëndë narkotike veç pijeve alkoolike.
/GazetaReforma.com/
