Numri i vdekjeve për shkak të koronavirusit në Mbretërinë e Bashkuar është rritur me një numër prej 357 fatalitetesh të reja në 24 orët e fundit si dhe me 41,385 raste të reja të infektuara me covid-19, duke shënuar një rekord të lartë.
Shkalla e mëparshme më e lartë ditore e infeksionit ndodhi më 22 dhjetor kur u regjistruan 36,804 raste të reja.
Shifrat e sotme janë gjithashtu një rritje nga një javë më parë kur Mbretëria e Bashkuar pësoi 215 vdekje dhe 33,363 infeksione të reja të hënën e kaluar.
Lajmi vjen pikërisht në momentin kur parashikimet janë të zymta dhe tregojnë se spitalet në Mbretërinë e Bashkuar mund të trajtojnë deri në 20,000 pacientë me covid-19 deri në prag të Vitit të Ri.
Sipas Revistës së Shërbimit Shëndetësor, numri i vlerësuar i pacientëve Covid në spital po rritet me rreth 250 persona çdo ditë. Kjo mbingarkesë vjen për shkak se edhe qytetarët udhëtojnë më shumë dhe lëvizin më shpesh tani për fundvit.
Publikimi i Revistës së Shërbimit Shëndetësor, ka paralajmëruar se më 31 dhjetor, Anglia mund të trajtojë më shumë njerëz me Covid-19 sesa trajtoi gjatë kulmit të valës së parë të koronavirusit, kur 18,974 pacientë ishin në spital më 12 Prill. Mirëpo mesa duket kjo valë do të jetë më e madhe dhe më fatale se sa vala e parë./Gazetareforma.com/
