Ndërsa raportimi i shifrave ditore në vende përkatëse duket një numër i vogël, shifra të frikshme vijnë nga bilanci ditor i infektimeve dhe vdekjeve në rang botëror.
Shifra e të infektuarve në gjithë botën ka shkuar mbi 118 milionë. Ndërkohë, që kanë ndërruar jetë mbi 2 milionë njerëz janë shëruar mbi 98 milionë.
Shtetet e Bashkuara renditen të parat me numrin më të lartë të infektimeve, ku gjatë 24 orëve të fundit janë shënuar 55,683 persona të infektuar, duke çuar numrin në total mbi 29 milionë. Ndërsa kanë ndërruar jetë 1,704 pacientë dhe numri në total është 540,574 njerëz.
Vendet e Evropës, vazhdojnë të shënojnë shifra të larta infeksioni. Franca ka regjistruar gjatë orëve të fundit mbi 23 milionë të infektuar, duke e çuar shifrën në total mbi 3 milionë. Ndërsa, kanë ndërruar jetë 316 persona dhe shifra në total është 89,201 pacientë.
Italia ka regjistruar një numër të lartë infektimesh ku gjatë orëve të fundit janë shënuar mbi 19,749 persona të infektuar, duke e çuar numrin në total 3,101,093 ndërsa numri i vdekjeve është mbi 376 duke e çuar shifrën në total 100,479 njerëz.
Në Indin e largët, shteti Rajasthan ka filluar të kufizojnë vaksinat anti-Covid në spitalet e tij kryesore për shkak të mungesës së dozave, pavarësisht një sigurie nga qeveria federale se furnizimet ishin të përshtatshme.
Brazili regjistroi 1,972 vdekje të reja nga Covid-19, një rekord kombëtar, sipas ministrisë së shëndetësisë. Po ashtu ka shënuar 70,764 raste të reja të koronavirusit, duke arritur gjithsej 11,12 milion infeksione. Ndërsa në total numri i vdekjeve është 168,370 persona.
Kompania e vaksinës Johnson & Johnson i ka thënë Bashkimit Evropian se po përballet me çështje të furnizimit që mund të komplikojnë planet për të dhënë 55 milion doza të vaksinës së saj Covid në bllok në tremujorin e dytë të vitit.
