SHBA prej ditësh ka pasur shifra të ulëta sa i takon situatës së koronavirusit, madje ka pasur dhe një numër të lartë vaksinimesh.
Mirëpo sot shifrat janë rritur ndjeshëm, 7-8 fish, me 47.323 raste të reja në 24 orë dhe 555 viktima. Që nga fillimi i pandemisë janë mbi 30.4 milionë njerëz të prekur në SHBA dhe 554.652 viktima.
Nga ana tjetër Brazili ndodhet në majë të listës së kuqe me shifra rekord si infektimesh ashtu edhe viktimash.
Në 24 orë ka pasur mbi 73 mijë të prekur dhe 2227 viktima, duke e çuar në gati 12 milionë numrin total të të prekurve dhe 292.752 atë të viktimave që nga fillimi i pandemisë.
Ndërsa Brazili përballet me një situatë të vështirë nga Covid-19, spitalet në qytetet më të mëdha të vendit janë të mbushur dhe sistemi shëndetësor po shkon drejt kolapsit.
Instituti Fiocruz me bazë në Rio de Janeiro, në një raport ka bërë me dije se më shumë se 80% e shtretërve të njësive të kujdesit intensiv janë zënë pasi rastet e pacientëve që shtrohen në spital janë shtuar shumë javët e fundit.
Shpresa për një ndryshim të situatës shihet tek vaksinimi masiv, pasi të dhënat e deritanishme tregojnë se personat që janë vaksinuar nuk e transmetojnë virusin si më parë dhe janë sigurt.
Ku vend ka numrin e dytë më të lartë të vdekjeve në botë pas SHBA dhe numrin e tretë më të lartë të rasteve të konfirmuara.
