Ditën e sotme në Kosovë janë regjistruar 20 raste të reja me COVID-19, duke e çuar në 165 numri total të të infektuarve.
Lajmi është bërë i ditur nga Instituti Kombëtar i Shëndetësisë Publike të Kosovës, i cili bën me dije se janë testuar 129 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren.
Rastet pozitive janë raste kontakti, pesëmbëdhjetë prej të cilave janë me vendbanim në Banjë -Malishevë, dy me vendbanim në Malishevë, një me vendbanim në Bllace-Suharekë, një me vendbanim në Drenas dhe një me vendbanim në Prishtinë.
Sakaq, ditën e sotme është shëruar një tjetër pacientë, ndërsa numri i të shëruarve deri tani ka shkuar në 24.
Ndërsa, nga 13 marsi e deri tani në Kosovë janë shënuar 3 viktima, duke qenë një nga vendet me vdekshmërinë më të ulët në rajon.
NJOFTIMI I PLOTË I INSTITUTIT KOMBËTAR TË SHËNDETËSISË PUBLIKE TË KOSOVËS
Sot më 06.04.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 129 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2, njëzet (20) prej tyre kanë rezultuar pozitive.
Sot më 06.04.2020, është i shëruar edhe (1) pacientë derisa numri i përgjithshëm i të shëruarve deri me sot është njëzet e katër (24).
Rastet pozitive janë raste kontakti, pesëmbëdhjetë (15) prej të cilave janë me vendbanim në Banjë -Malishevë, dy (2 ) me vendbanim në Malishevë, një (1) me vendbanim në Bllace-Suharekë, një (1) me vendbanim në Drenas dhe një (1) me vendbanim në Prishtinë.
Nga data 08.02.2020 deri me 06.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 2.093 mostra të dyshimta në virusin SARS-CoV-2 dhe prej tyre, pozitive rezultojnë gjithsej 165 raste me 3 raste të vdekjes të cilët kanë pasur sëmundje të tjera shoqëruese.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 3.304 kontakte të rasteve.
Në Kosovë, deri më tash janë të konfirmuara 165 raste me COVI-19, përfshirë këtu 3 vdekje dhe 24 të shëruar. Nga radhët e komunitetit serb, janë regjistruar 33 raste, përfshirë 1 vdekje, por nuk ka të dhëna mbi të shëruarit.
