Kryebashkiaku Erion Veliaj ftoi qytetarët për një shfaqje mbi Liqenin e Tiranës.
Mbrëmjen e 17 majit, qindra fëmijë, prindër dhe të moshuar u mblodhën pranë Liqenit Artificial, duke pritur për një shfaqje artistike në kuadër të Javës Kulturore Franceze.
Shfaqja “Fous de Bassin & Ilotopie” u reklamua nga Ministria e Ekonomisë, Kulturës dhe Inovacionit dhe u organizua nga Erion Veliaj dhe bashkëshortja e tij, Arjola Xoxa. Performanca përfshinte kllounë dhe drita mbi liqen.
Më 31 maj, dy aktivistë të Koalicionit Shqiptar Pro Familjes dhe Jetës, avokatët Altin Gjoxhaj dhe Arianit Iljazi, ngritën një padi në SPAK kundër Erion Veliajt dhe Arjola Xoxës. Ata akuzojnë për shfaqje të papërshtatshme dhe veprime të turpshme me të mitur.
Aktivistët pretendojnë se Veliaj dhe Xoxa ftuan prindërit dhe fëmijët e tyre në një shfaqje të cilën e prezantuan si të përshtatshme për fëmijët, por që kishte përmbajtje të papërshtatshme dhe satanike. Ata kërkojnë ndëshkimin e tyre për këto veprime.
