Janë zbardhur emrat e personave të arrestuar pas konfliktit për pronën ditën e djeshme në Durrës, i cili degradoi në përdorimin e armëve. Mësohet se policia ka arrestuar shtetasit: Bajram Kaculi, Erjon Reka, Orgito Reka, Ylli Reka, Mark Frroku, Antonio Lazari, Pal Doda, Martin Lazeri.Ndërkohë gazetari Igli Çemeta bën me dije për BalkanËeb se është shpallur në kërkim shtetasi Besnik Toma, i cili ka qëlluar me armë.
Sipas informacioneve nga policia mësohet se Toma është shoferi i Mark Frrokut, por ky i fundit është shprehur në deklaratën e tij se është edhe nip i tij. Sakaq, në gjendje të lirë është proceduar Ndue Sokoli.
Kujtojmë se konflikti ka nisur gjatë kohës kur përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim pasi edhe ata kanë një certifikatë pronësie, që pretendojnë se e kanë po për këtë pronë.
