Një ngjarje e paprecedentë është regjistruar në qytetin e Fierit.
Sipas policisë, shtetasit M.M. 30 vjeç dhe A.M. 24 vjeç kanë ushtruar dhunë ndaj hallës së tyre.
Bëhet fjalë për 45-vjeçaren me iniciale M.B, e cila ishte e pajisur me urdhër mbrojtje.
Konflikti mes nipave dhe hallës ka ndodhur për motive pronësie.
Në cilësinë e provës materiale, policia gjeti në banesën e të rinjve disa fishekë.
Materialet proceduriale i kaluan Prokurorisë pranë Gjykatës së Shkallës së Parë të Fierit, për veprime të mëtejshme.
Fier/Njoftimi i policisë:
*Ushtruan dhunë fizike ndaj hallës së tyre, arrestohen në flagrancë nga policia.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasit:
M.M, 30 vjeç dhe A.M, 24 vjeç, banues në Fier (Vëllezër).
Arrestimi i tyre u bë pasi për motive pronësie kanë ushtruar dhunë fizike, ndaj hallës së tyre, shtetases M.B, 45 vjeçe e cila ishte e paisur me urdhër mbrojtje.
Gjatë kontrollit të banesës së këtyre shtetasve janë gjetur dhe sekuestruar në cilësinë e provës materiale disa fishekë luftarak.
Materialet i kaluan Prokurorisë pranë Gjykatës së Shkallës së Parë Fier për veprat penale “Dhunë në familje” “Mbajtja pa leje e municionit luftarak” dhe “Veprime në kundërshtim me vendimin e Gjykatës”.
