Mëngjesin e sotëm, një makinë shpërtheu në rrugën “Siri Kodra”.
Persona të paidentifikuar kishin vendosur një sasi tritoli tek dera e një makine.
Mjeti ishte në pronësi të shtetasit Artion Bylyku, i cili sapo ka hapur derën e makinës është dëgjuar edhe shpërthimi i fortë.
Për fat të mirë nuk pati pasoja në njerëz, duke qenë se pranë ndodheshin shumë qytetarë.
“Dosja.al” shkruan se Bylyku ka pasur një sherr për motive pronësie, me disa persona të rrezikshëm.
Ai është shprehur se nuk ka vënë re asgjë, kur është drejtuar për te “Benzi”.
“Nuk vura re asgjë. Nuk dyshoja për gjë. Hapa derën dhe doja të hipja, kur makina shpërtheu”, mësohet të ketë thënë ai.
