Një person është vrarë në orët e para të mëngjesit të sotëm në Kavajë, ndërsa një tjetër është plagosur.
Ngjarja ka ndodhur në banesën e shtetases M.Q., në lagjen Nr.2 të qytetit.
Mësohet se Dritan Haxholli ka qëlluar mbi policin e burgut Bledar Toçi, duke e lënë të plagosur.
Ky i fundit më pas ka e ka qëlluar me armën e shërbimit, duke e lënë të vdekur.
Sipas Balkanweb, viktima ka shkuar në shtëpinë e ish-të dashurës dhe ndërmjet tyre është zhvilluar një debat i fortë.
Më pas vajza ka thirrur për ndihmë të afërmin e vet, që ishte polic burgjesh.
Policia ndërkohë ka nisur punën për të zbardhur rrethanat e ngjarjes.
Njoftimi i policisë
“Rreth orës 00.40, në Lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve. Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje. Shtetasi B.T., ndodhet jashtë rrezikut për jetën. Grupi hetimor po vijon punën për sqarimin e mëtejshëm të rrethanave të ngjarjes.”
