Policia ka dalë me një informacion zyrtar në lidhje me ngjarjen që ndodhi mëngjesin e sotëm tek rruga “Kongresi i Manastirit” , ku disa persona u konfliktuar me njëri-tjetrin dhe më pas sherri degjeneroi në përplasje fizike dhe të shtëna me armë në ajër.
Si pasojë e konfliktit janë dëmtuar lehtë disa shtetas, ku njëri prej tyre shtetasi E. K. 32 vjeç, ka shkuar në spital për ndihmë mjekësore, i dëmtuar me sende të forta.
Mësohet se në vendngjarje është sekuestruar edhe një armë zjarri pistoletë në cilësinë e provës materiale dhe sipas informacioneve zyrtare po kryhen verifikimet përkatëse për të mësuar se kujt i përket. Po ashtu bëhet me dije se nuk ka persona të lënduar nga të shtënat me armë zjarri.
Njoftimi i Policisë Tiranë
Pas marrjes së njoftimit se në rrugën “Kongresi i Manastirit” ishin duke u konfliktuar dyshohet me sende të forta 6 persona, menjeherë në vendngjarje kanë shkuar sherbimet e Policisë Rrugore, të cilat ishin në patrullim dhe kanë ndërhyrë menjeherë.
Më pas në ndihmë të tyre kanë ardhur sherbimet e Patrullës së Përgjithshme dhe Forcat “Shqiponjat”të cilët kanë bërë të mundur parandalimin e përshkallëzimit të metejshëm të konfliktit dhe shoqërimin e 5 shtetasve të dyshuar si pjesëmarrës në konflikt, për veprime të metejshme. Si pasojë e konfliktit janë dëmtuar lehtë disa shtetas, ku njëri prej tyre shtetasi E. K. 32 vjeç, ka shkuar në spital për ndihmë mjekësore, i dëmtuar me sende të forta.
Në vendngjarje është sekuestruar një armë zjarri pistoletë, ku po kryhen veprimet përkatëse për të mësuar kujt i përket nga të shoqëruarve. Sqarojmë se nuk ka persona të lënduar nga përdorimi i armës së zjarrit. Vijon puna nga Grupi hetimor për sqarimin e rrethanave të ngjarjes dhe dokumentimin e plotë të saj.
