Marrëdhëniet midis nuses dhe vjehrrës janë simbol i konfliktit, mospëlqimit dhe thashetehemeve.
Ndërkohë që prej kohësh kjo marrëdhënie është portretizuar në këtë lloj forme antagoniste, Papa Françesku kërkon që të përmbyset ky konceptim. Ai bën një thirrje se harmonia familjare varet edhe nga marrëdhënia me vjehrrën.
Sipas atij përgjithësiht vjehrra paraqitet në mënyrë poshtruese, duke harruar se ajo është nëna e burrit apo nëna e gruas me të cilën ke vendosur të ndash jetën dhe të krijosh familje.
“Nuk po them se e shohim si djall, por ajo paraqitet gjithmonë në mënyrë poshtëruese. Por vjehrra është nëna e burrit tënd dhe nëna e gruas tënde”.
Gjithashtu Papa Françesku u bëri thirrje nuseve që të kujdesen për marrëdhëniet e tyre me vjehrrat. Sipas tij të bësh vjehrrën e lumtur është shumë e rëndësishmë.
“Ato kanë lindur bashkëshortin tënd”, tha ai. “Të paktën bëjini të lumtur.”
Ndër të tjera Papa nuk harroi të këshillojë edhe vetë vjehrrat. “Unë ju them, kini kujdes se si shpreheni,” tha ai.
“Ne i themi vetes ‘sa më larg të jetë vjehrra, aq më mirë’. Por jo – ajo është nënë, ajo është një person i moshuar. Një nga gjërat më të bukura për një grua është të ketë nipër e mbesa. Kur fëmijët e saj kanë fëmijë, kjo e sjell atë përsëri në jetë.”
