Një tjetër konflikt mes të miturish ka ndodhur ditën e sotme në Korçë, ku dy fëmijë rreth 12 vjeç kanë shpërthyer në një zënkë për shkaqe banale, gjatë një loje futbolli.
Sipas raportimeve, konflikti ka përfunduar me një prej tyre të dëmtuar, i cili është goditur me gur në kokë.
I mituri ka përfunduar në spital për mjekim, por fatmirësisht nuk ka rrezik për jetën.
Ndërkohë, 12-vjeçari tjetër, së bashku me prindin e tij, është shoqëruar në Komisariat për hetime të mëtejshme.
Policia ka njoftuar se grupi hetimor po punon për sqarimin e rrethanave të ngjarjes.
Ky incident vjen vetëm një ditë pas tragjedisë në Korçë, ku 14-vjeçari Martin Cani humbi jetën pas një sherri të dhunshëm me bashkëmoshatarët, një ngjarje që ka tronditur komunitetin lokal. Policia ka intensifikuar hetimet për të zbardhur motivet e dhunës mes të rinjve.
