Një konflikt brenda një familjeje shqiptare në Rethymno të Kretës ka shpërthyer mbrëmjen e së shtunës, duke kërkuar ndërhyrjen e policisë greke për të qetësuar situatën.
Sipas burimeve lokale, gjithçka ka filluar nga një sherr mes bashkëshortëve, që më pas është përshkallëzuar për shkak të ndërhyrjes së familjarëve të të dy palëve.
Si pasojë, dy persona janë plagosur, njëri prej të cilëve është në gjendje më të rëndë, ndërsa tjetri jashtë rrezikut për jetën.
Katër persona janë arrestuar, përfshirë edhe dy të plagosurit, ndërsa dy të tjerë janë shpallur në kërkim.
Autoritetet greke janë duke hetuar shkakun e këtij konflikti dhe lidhjen e tij me problemet brenda çiftit.
