Një deklaratë të fortë ka bërë ditën e sotme kryeministri Rama, i cili ka lajmëruar se deri tani janë shkarkuar nga puna 600 punonjës.
Në një takim me koordinatorët e bashkëqeverisjes, kryeministri ka thënë se këtaj punonjës nuk iu kanë ofruar shërbimin e duhur qytetarëve dhe për këtë arsye janë larguar nga detyra që mbanin.
Sipas kryeministrit, shumë prej rasteve janë raportuar nga qytetarët, të cilët kanë thënë se sjellja e punonjësve nuk ka qenë e hijshme.
“Janë 600 individ, nga punonjës deri tek drejtues që janë pushuar nga puna se nuk kanë qenë të denjë në shërbimin e qytetarëve. Edhe nga konstatimet tona në bazë të rezultateve të punës së matshme, nga raportet dhe ankesat, por edhe marrja e perceptimit të qytetarëve, ka një perceptim që ndjehet tek shërbimet publike”, ka thënë kryeministri Rama.
Gjithashtu gjatë fjalës së tij, Rama ka thënë se tashmë “miku” që ndihmon shqiptarët për çdo problem që kanë, është qeveria.
Miku i famshëm që ishte ilaç tradicional për problemet në shtet, sot ka jo vetëm pamjen, por edhe trajtën e qeverisë. Qeveria miku më i madh i çdo qytetari”, tha kryeministri.
