Në orët e vona të mbrëmjes së djeshme në Turqi u shënua viktima e parë nga koronavirusi.
Lajmin e konfirmoi Ministri i Shëndetësisë, Fahrettin Koca, gjatë një conference për shtyp.
“Një pacient, 89 vjeç vdiq ndërsa 51 raste të tjera u diagnostikuan pozitivë”, tha Fahrettin Koca.
Me rastet e reja të regjistruara, numri i të prekurve në Turqi u rrit në 98.
Ndërkohë Ministri i Jashtëm, Mevlüt Çavuşoğlu, deklaroi se do të evakuohen 3614 shtetas turq nga 9 vende europiane.
Ai shtoi më tej, se shtetasit e evakuuar, do të vendosen në karantinë në konviktet në Stamboll dhe Kocaeli.
“Qytetarëve tanë i njoftuam se do të qëndrojnë në karantinë për 14 ditë pasi të kthehen në vend. Deri mbrëmë në orën 17:00 kanë aplikuar 3.614 qytetarë. Do t’i evakuojmë në vend deri në mesnatë këta shtetas nëpërmjet koordinimit me Turkish Airlines (THY) dhe Ministrinë e Transportit. Në këtë drejtim THY ka planifikuar 34 udhëtime. Gjithashtu ka mbajtur edhe çmime tejet të arsyeshme, për të cilën ne shprehim shumë falënderime ndaj THY”, tha Çavuşoğlu.
Në momentet që flasim, në rang global koronavirusi i ka marrë jetën 7994 personave, 199,338 janë personat e infektuar, si dhe 82,806 janë të shëruar.
OBSH e ka zhvendosur epiqendrën e koronavirusit nga Ëuhani në Europë, ku Italia është shteti më i prekur me mbi 2500 viktima.
