Humb jetën nga koronavirusi një tjetër i dënuar në burgun e Drenovës.
Mësohet se i dënuari që ndërroi jetë sot kishte dhe 20 ditë për të përfunduar dënimin. 47-vjeçari shtetësi të Maqedonisë kishte qenë në të njëjtën qeli me të dënuarin që ndërroi jetë të hënën në mbrëmje.
Kujtojmë se ky është viktima e dytë në burgjet shqiptare, pasi gjatë ditës së sotme u raportua se ka ndërruar jetë për shkak të infektimit me Covid-19, 74-vjeçari Çaush Banaj, i cili ishte dënuar me 25 vite burg për vrasje me dashje nga Gjykata e Fierit në vitin 2000.
I dënuari i moshuar ishte i shtruar në spitalin Covid-2, Shefqet Ndroqi, ku dhe ka ndërruar jetë, ndërsa ka pasur edhe sëmundje të tjera shoqëruese.Sipas raportimeve, i infektuar me Covid është edhe djali viktimës, Enkelejd Banaj, i dënuar gjithashtu me 23 vite burg për vrasje, por që është me simptoma të lehta.
Të dy të burgosurit, babë e bir, akuzohen për vrasjen e tre personave në Mallakstër, në vitin 1997.
