Është thelluar bilanci nga koronavirusi në Kosovë, pasi Ministria e Shëndetësisë së Kosovës njofton se një person ka ndërruar jetën mëngjesin e sotëm.
Sipas MSH-së, bëhet fjalë për një 44-vjeçar nga qyteti i Gjilanit, që ishte shtruar në spital më 17 prill në gjendje të rënduar shëndetësore.
Sipas mjekëve, viktima vuante edhe sëmundje të tjera shoqëruese, teksa ka shkuar më 21 numri i viktimave nga Covid-19 në Kosovë.
Ndërkohë, aktualisht në Klinikën Infektive janë të hospitalizuar 60 pacientë me koronavirus, pesë prej tyre janë në terapi intensive.
Kosova aktualisht ka konfirmuar 731 raste me koronavirus, ndërsa 165 pacientë janë shëruar.
Njoftimi i plotë
Klinika Infektive ka njoftuar se sot me datë 26/04/ 2020 në orët e mesditës ka përfunduar me vdekje pacienti me inicialet M.I.(1976), nga komuna e Gjilanit. Pacienti është spitalizuar në Klinikën Infektive me datën 17/04/2020, është konifrmuar me COVID-19, dhe është pranuar në gjendje shumë të rëndë.I njëjti prej vitesh vuante edhe nga sëmundje të tjera. Kjo është vdekje e 21-të në Kosovë prej koronavirusit Covid-19.
