Të vendosur para parlamentit, mijëra qytetarë kanë dalë në protestë sot kundër qeverisë, ndonëse seanca plenare u anulua.
Protestuesit kanë thirrur “Rama ik!” duke kërkuar dorëheqjen e kryeministrit.
Deputetët e të gjitha partive opozitare janë ngjitur me radhë në një platformë të vendosur mes protestuesve dhe kanë dorëzuar publikisht mandatet duke thënë se ia dorëzojnë popullit dhe qytetarëve.
Mësohet gjithashtu se protestuesit kanë hedhur shashka e flakadanë në oborrin e parlamentit. Forca të shumta policie kanë rrethuar godinën duke krijuar disa kordonë.
Mes protestuesve ndodhen edhe kreu i PD-së Lulzim Basha, ish-kryeministri Sali Berisha dhe kryetarja e LSI-së Monika Kryemadhi.
