Shembja e Teatrit Kombëtar/ Avokati i Popullit: Të ndëshkohen policët e dhunshëm! Shkelën detyrën!

Google+ Pinterest LinkedIn Tumblr +

Populli ynë me të drejtë thotë se “dardha e ka bishtin prapa”. Kjo gjë duket se vlen edhe për çështjen e Teatrit Kombëtar, i cili pasi u shemb në një mënyrë që çuditi gjithë botën, u duk sikur u harrua dhe u la me aq.

Por sot pas Prokurorisë së Tiranës që ka nisur hetimet, edhe Avokati i Popullit i ka kërkuar Ministrit të Brendshëm, Sandër Lleshaj, kreut të Policisë së Shtetit si dhe Prokurorisë së Përgjithshme, të ndëshkojnë sjelljet individuale dhe të organizuara të policëve, që u angazhuan në operacionin e shembjes së godinës së Teatrit Kombëtar.

Kërkesa është bërë pasi Avokati i Popullit, publikoi konkluzionet e rekomandimeve mbi sjelljen e Policisë së Shtetit, gjatë shkatërrimit të Teatrit Kombëtar.

Avokati i Popullit tha se, pasi ka shqyrtuar sjelljen e organeve të Rendit gjatë ndërhyrjeve të këtyre të fundit më 17 maj 2020 në operacionin për shkatërrimin e godinës së Teatrit Kombëtar, ka përpiluar një përmbledhje me rekomandime mbi sjelljen e Policisë së Shtetit.

Nisur nga konstatimet e kryera gjatë hetimit administrativ, u është kërkuar, Ministrisë së Brendshme, Policisë së Shtetit dhe Prokurorisë së Përgjithshme, që të ndërmarrin një sërë masash administrative dhe ligjore për të ndëshkuar një seri sjelljesh individuale apo të organizuara, që u vërejtën në veprimtarinë e Policisë gjatë operacionit për shkatërrimin e Teatrit Kombëtar.

Konkretisht, Avokati i Popullit shprehet:

“AVOKATI I POPULLIT PUBLIKON KONKLUZIONET E REKOMANDIMEVE MBI SJELLJEN E POLICISË SË SHTETIT GJATË SHKATËRRIMIT TË TEATRIT KOMBËTAR

Avokati i Popullit pasi ka shqyrtuar sjelljen e organeve të Rendit gjatë ndërhyrjeve të kësaj të fundit më 17.05.2020 në operacionin për shkatërrimin e godinës së Teatrit Kombëtar, ka përpiluar një përmbledhje me rekomandime mbi sjelljen e Policisë së Shtetit.

Nisur nga konstatimet e kryera gjatë hetimit administrativ të nisur nga Avokati i Popullit, u është kërkuar autoriteteve më të rëndësishme ligjzbatuese në vend si Ministrisë së Brendshme, Policisë së Shtetit dhe Prokurorisë së përgjithshme që të ndërmarrin një sërë masash administrative dhe ligjore për të ndëshkuar një seri sjelljesh individuale apo të organizuara që u vërejtën në veprimtarinë e Policisë së Shtetit gjatë operacionit për shkatërrimin e Teatrit Kombëtar.

Institucioni i Avokatit të Popullit mbetet i dedikuar për të ushtruar me paanësi dhe profesionalizëm punën e tij si një monitorues i mënyrës sesi autoritetet shtetërore zbatojnë ligjet e vendit tonë, pa i tejkaluar ato, pa e tepruar në dëm të qytetarëve e në respekt të të drejtave të këtyre të fundit”.

foto galeri

foto galeri

https://www.avokatipopullit.gov.al/media/manager/website/media/Rekomandime%20mbi%20veprimet%20mosveprimet%20e%20kund%C3%ABrligjshme%20t%C3%AB%20strukturave%20t%C3%AB%20Policis%C3%AB%20s%C3%AB%20Shtetit%20gjat%C3%AB%20dhe%20pas%20prishjes%20s%C3%AB%20godin%C3%ABs%20s%C3%AB%20Teatrit%20Komb%C3%ABtar_GwfC5Vk.pdf?fbclid=IwAR0NNHS-75sjtJgqTU9tH5zC9dyzJzn7W1D4knPy-ZwLNQq6HW3OC-E53Fs

/GazetaReforma.com/

Shpërndaje
Share.

Komento