Gjatë ditës së sotme, në lagjen “5 Maji”, në Tiranë është paraqitur një situatë e tensionuar mes Policisë Bashkiake, FNSH-së dhe banorëve të zonës të cilët kundërshtojnë prishjen e banesave të tyre. Ndërkohë lidhur me çështjen ka reaguar Lulzim Basha. Nga takimi me demokratët, Basha theksoi se prej kohësh lëvizjet e Berishës i kanë penguar zhvillimet normale dhe takimet me demokratët, si dhe betejën me regjimin e Edi Ramës, ndërsa foli edhe për prishjen e banesave në zonën e “5 majit” në Tiranë. Sipas Bashës edhe sot deputetët e tij ishin në krah të banorëve.
Lulzim Basha:
E kam përjetuar shumë mirë takimin me demokratët, sepse prej kohësh lëvizjet e Berishës i kanë penguar zhvillimet normale dhe takimet me demokratët, si dhe betejën tonë me regjimin e Edi Ramës. Ne nuk kemi rreshtuar asnjë ditë me ato që u kemi premtuar shqiptarëve. Kemi bërë opozitë ballore ndaj Edi Ramës. Edhe sot e patë te “5 maji” ku deputetët tanë ishin në krah të banorëve që po dhunohen dhe në komisionin e incineratorëve që ka rinisuar nga puna për mega-skandalin e kësaj qeverie, ku është arrestuar një ish-anëtar i qeverisë Rama.
Pas shembjes së ndërtesave në “5Maj” deputeti i Partisë Demokratike, Belind Këlliçi ka reaguar në lidhje me situatën e tensionuar në Tiranë, ku ka pasur përplasje fizike mes policisë dhe banorëve të zonës, të cilëve po iu shemben banesat në kuadër të procesit të Rindërtimit.
