Inspektoriati Kombëtar i Mbrojtjes së territorit ka nisur ditën e sotme prishjen e banesave në zonën e Astirit.
Sipas IKMT, janë 33 objekte që do të prishen, në mesin e të cilave 21 janë shpronësuar.
Objektet variojnë nga një deri në katër kate dhe përfshijnë banesa, dyqane dhe lokale.
Në ndihmë të punonjësve të IKMT ishin edhe dhjetëra forca policie, të cilët u përleshën me banorët.
Nuk munguan as gurët, molotovët apo shkopinjtë, ndërsa policia nga ana tjetër ishte pajisur me gaz lotësjellës.
Si pasojë e përleshjeve mbetën të lënduar dhjetëra persona, midis të cilëve policë dhe protestues.
Gjithashtu disa protestues u shoqëruan në polici, mes të cilëve edhe pedagogu i gazetarisë, Ervin Goci.
Qarkullimi i makinave dhe mjeteve është vështirësuar së tepërmi, pasi efektivët kanë formuar një kordon, duke bllokuar kalimin për nga Dogana.
