Një ngjarje e rëndë ndodhi ditën e djeshme në Kosovë.
Dy minatorë humbën jetën si pasojë e shembjes së një masivi dheu që ndodhi brenda në minierë.
Trupat e pajetë të minatorëve Idriz Gërbeshi dhe Haki Arifi janë nxjerrë mbrëmë nga miniera e Artanës.
Ekipi i kërkim-shpëtimit e pati shumë të vështirë nxjerrjen e trupave të pajetë, për shkak të shembjes së një guri të madh, ndaj edhe u deshën 14 orë për kryerjen e operacionit.
Në këtë operacion kanë qenë të përfshirë edhe ekipet e specializuara të FSK-së, Zjarrfikësve të Kosovës dhe KEK-ut.
Trupat e pajetë të dy minatorëve tashmë janë dërguar për obduksion.
