Shtetet e Bashkuara të Amerikës kanë vendosur një rekord sa i përket numrit të personave të infektuar deri tani me koronavirus.
Saktësisht, në SHBA janë prekur nga Covid-19, deri në këto momente, 5 149 723 persona.
Numri i të vdekurve për shkak të koronavirusit në Amerikë deri tashmë ka shkuar në 165 070 individë. Ndërsa, numri i njerëzve që janë shëruar deri tani nga virusi në SHBA është më shumë se 2.6 milionë.
Kreu më i lartë i sëmundjeve infektive në vend ka ofruar shpresë në fillim të javës, se një vaksinë ndaj Covid-19 mund të jetë në dispozicion të njerëzve deri në fund të vitit 2020.
Me një nga 66 banorë të infektuar, SHBA-të udhëheqin botën sa i takon rasteve me koronavirus. Në Amerikë kanë vdekur nga virusi më shumë se 16 mijë persona, gati një e katërta e totalit që kanë ndërruar jetë nga Covid-19 në glob.
Debati i zjartë u ndoz, kur presidentit Donald Trump nënshkroi urdhra ekzekutiv që synonin të siguronin lehtësim ekonomik për amerikanët e lënduar nga pandemia e koronavirusit pasi Shtëpia e Bardhë nuk arriti të ketë një marrëveshje me Kongresin.
Të Premten, Departamenti i Punës i SHBA raportoi se rritja e punësimit në Amerikëë u ngadalësua ndjeshëm në korrik, duke nënvizuar një nevojë urgjente për ndihmë shtesë qeveritare.
Dr. Anthony Fauci i tha Reuters se mund të ketë një vaksinë funksionale deri në fund të vitit, ndërsa Trump është më optimist e deklaroi se kjo vaksinë do të jetë gati deri në zgjedhjet presidenciale të SHBA të 3 nëntorit.
