Më herët ditën e sotme ambasadorja e SHBA-së, Yuri Kim, me anë të një statusi në rrjetet sociale i ka bërë thirrje gjithë klasës politike shqiptare se nuk është koha për politikë, pasi Shqipëria dhe gjithë bota po përballen me luftën ndaj koronavirusit.
Kim shkruan se të gjithë liderët duhet të jenë të unifikuar për njerëzit, pasi në të kundërt nuk mund të fitojnë luftën.
“Është e natyrshme të ndjehemi të lodhur nga masat e rrepta, por duhet të qëndrojmë vigjilentë. Të gjithë ne, përfshirë edhe ambasadën e SHBA në Tiranë, duhet të vazhdojmë të bëjmë pjesën tonë për t’i mbajtur të gjithë të shëndetshëm. Fola me Presidentin Meta, kryeministrin Edi Rama, kreun e PD Lulzim Basha për të lavdëruar udhëheqjen e tyre të unifikuar kundër COVID19, dhe se kjo duhet të vazhdojë. Tani nuk është koha për politikë si zakonisht. Nuk mund të fitojmë luftën pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë”, shkruan Kim.
Së fundmi, ka reaguar edhe kryedemokrati Lulzim Basha, i cili me anë të një statusi në Twitter, është shprehur se forca që drejton do të vijojë që të insistojë për testim dhe distancim social, të ofrojë zgjidhje konkrete dhe të kërkojë transparencë nga qeveria.
“Falemnderit @USAmbAlbania & SHBA për ndihmën kundër #COVID19. @pdshqiperi do vazhdojë të insistojë për testim dhe distancim social, të ofrojë zgjidhje konkrete & të kërkojë transparencë nga qeveria. Fokusi ynë është jeta, shëndeti dhe ekonomia e shqiptarëve, jo retorika politike’ shkruan Basha.
Falemnderit @USAmbAlbania & SHBA për ndihmën kundër #COVID19. @pdshqiperi do vazhdojë të insistojë për testim dhe distancim social, të ofrojë zgjidhje konkrete & të kërkojë transparencë nga qeveria.
Fokusi ynë është jeta,shëndeti dhe ekonomia e shqiptarëve, jo retorika politike. https://t.co/O7w1Yf8SUm— Lulzim Basha (@lulzimbasha_al) April 6, 2020
Kujtojmë se PD ka kërkuar nga qeveria testim masiv, si edhe e ka akuzuar për abuzime me tenderin e ushqimit, madje ministren e Mbrojtes Olta Xhaçka e ka paditur në SPAK.
