Të shtëna me armë zjarri janë regjistruar pasditen e sotme në Shkodër në lagjen “Qemal Stafa”. Sipas informacioneve paraprake nga të shtënat është dëmtuar vetëm vetrata e një lokali.
Fatmirësisht nuk ka persona të lënduar.
Nga veprimet paraprake hetimore të kryera nga grupi hetimor në vendngjarje është gjetur një gëzhojë.
Grupi hetimor po vijon punën për sqarimin e rrethanave të kësaj ngjarjeje, identifikimin dhe kapjen e autorit.
Njoftimi i policisë:
Shkodër/Informacion paraprak
Rreth orës 18:00 në lagjen “Qemal Stafa”, Shkodër, një person ende i paidentifikuar ka qëlluar me armë zjarri ku është dëmtuar vetrata e një lokali aty afër dhe më pas është larguar.
Nga të shtënat nuk ka persona të lënduar.
Nga veprimet paraprake hetimore të kryera nga grupi hetimor në vendngjarje është gjetur një gëzhojë.
Grupi hetimor po vijon punën për sqarimin e rrethanave të kësaj ngjarjeje, identifikimin dhe kapjen e autorit.
Kujtojmë se një muaj më parë në Shkodër u ekzekuta Naim Bajri teksa po pinte kafen e mëngjesit. U qëllua me breshëri plumbash rreth orës 07:20, në “Merkatën e Rusit”, në lagjen “Partizani” të Shkodrës.
Ai ishte i ulur në një lokal në tregun e Rusit në momentin kur autorët janë afruar duke e qëlluar disa herë me armë zjarri. Pas të shtënave ka mbetur i plagosur edhe një qytetar tjetër.
Një makinë e djegur u gjet në lagjen “Kiras”, e cila dyshohet se u përket autorëve të vrasjes së Naim Bajrit.
