Dhjetëra shtetas shqiptarë sërish janë bllokuar mëngjesin e sotëm në doganën e Kapshticës.
Pala greke ka bërë me dije se kuota ditore prej 300 personash që duhet të kalojnë, është plotësuar dhe si pasojë pjesa tjetër e emigrantëve duhet të presin në radhë deri ditën tjetër.
Kujtojmë se prej disa javësh situata në doganën e Kapshticës dhe Kakavijës, është problematike, pasi kushtet dhe kuotat e vendosura nga pala greke për shkak të masave protokollare anti-Covid, ka bërë që emigrantët shqiptarë të mbesin të bllokuar me ditë me radhë për të kaluar në anën tjetër.
