Sot në orën 12:00 pritet të zhvillohet një tjetër protestë përpara Kryeministrisë kundër vendimit të Qeverisë për të mbyllur lokalet e natës, si masë parandaluese për përhapjen e koronavirusit. Protesta organizohet nga Shoqata e Bareve me sloganin “Na lini të shërbejmë”.
Sipas protestuesve, nuk ka asnjë konfirmim zyrtar se lokalet janë kthyer në vatra të infeksionit, ndërkohë që shprehen të gatshëm për të forcuar rregullat e distancës fizike në lokale.
Edhe dje u zhvillua protestë kundër vendimit të Qeverisë, ku shumë pronarë lokalesh dhe artistë deklaruar se janë në prag falimentimi dhe se nuk kanë asnjë të ardhur.
12 persona u proceduan penalisht nga policia, me argumentin se nuk kishin shpërndarë protestën.
