Nuk është vetëm koronavirusi apo sëmundjet e rënda ato të cilat duhet të kemi kujdes dhe frikë… Në botë qarkullojnë me qindra sëmundje dhe diagnoza të cilat nëse nuk të marrin jetën, gjithsesi të prishin cilësinë e saj për aq kohë sa njeriu nuk e kuron, ose jeton me të.
E tillë është edhe kjo sëmundje që po ju tregojmë, e cila më tepër se sa te burrat përhapet tek gratë.
Kjo sëmundje ka prekur më shumë se 2 milionë njerëz në Francë, dhe quhet “fibromialgjia”. Ajo mbetet një patologji e panjohur deri më sot.
Kjo sëmundje, e cila prek kryesisht gratë, ka disa simptoma si, lodhje dhe paaftësi për të bërë edhe gjërat e përditëshme.
Shkaqet mbeten të paqarta deri më sot, por një ekip studiuesish kanë bërë një zbulim të pabesueshëm që ka bërë të mundur të shihet më qartë.
Çfarë është fibromialgjia? Ajo është një sindromë që shkakton një dhimbje që prek të gjithë trupin. Këto shpesh shoqërohen me lodhje dhe probleme me pagjumësinë.
Megjithëse ky problem nuk shkakton ndërlikime serioze, ai ndikon në cilësinë e jetës së atyre që vuajnë prej saj.
Kjo sëmundje, u njoh nga Organizata Botërore e Shëndetësisë që nga viti 1922, por fibromialgjia, mbetet deri më sot një patologji pak e njohur.
Në përgjithësi, fibromialgjia prek kryesisht gratë dhe shfaqet midis moshës 40 dhe 60 vjeç.
Simptomat kryesore janë:
Çrregullime të tretjes
Ndjesi dhe mpirje në këmbë dhe duar
Një gjumë jo i qetë
Dhimbje koke
Me gjithë studimet e ndryshme të kryera, mbetet e vështirë të përcaktohet shkaku i saktë i kësaj sëmundjeje. Sidoqoftë, një grup studiuesish amerikanë kanë bërë një zbulim të pabesueshëm që mund të ndryshojë perceptimin e kësaj sëmundjeje.
Analizat u kryen nga Dr. Frank L. Rice dhe studiues të tjerë dhe treguan se shkaqet e kësaj patologjie nuk janë për shkak të një problemi psikologjik, por për shkak të pranisë së një numri të madh të fijeve nervore ndijore përreth.
Nuk ka ndonjë trajtim specifik për të kuruar vetë gjendjen. Mjekët përshkruajnë ilaçe për lehtësimin e dhimbjes.
Kështu, pacientëve u jepen analgjezikë, qetësues të dhimbjeve dhe ilaçe anti-inflamatore jo-steroide. Megjithatë mjekët bëjnë thirrje që gratë të tregojnë kujdes ndaj shenjave sepse kjo sëmundje po përhapet shumë.
/GazetaReforma.com/
