Dogana Shqiptare ka bërë bilancin e mallrave të cilët kanë hyrë në tokën shqiptare dhe kanë rezultuar të falsifikuara.
Në një njoftim zyrtar, autoritetet doganore kane informuar se përveç aksesorëve të falsifikuar në Shqipëri, janë edhe produkte të tjera të konsumit.
Konkretisht, bëhet fjalë për çamçakëz të markës “Orbit”.
Gjatë vitit 2024, Administrata Doganore Shqiptare ka bllokuar 10,560 kg çamçakëza të markës së njohur “Orbit”, të importuar nga Kina.
Kompania në fjalë njoftoi shtetin shqiptar se kjo sasi e futur në vend ishte e “kopjuar” dhe mund të jetë më e dëmshme për shëndetin e konsumatorit shqiptar.
