Kryeprokurori i Kosovës, Aleksandër Lumezi ka bërë të ditura detaje të tjera të operacionit për sekuestrimin e 400 kg kokainë në Lipjan. Në konferencën e përbashkët për shtyp me palën shqiptare, Lumezi ka thënë se vlera e drogës kapte rreth 20 milionë euro. Ai ka thënë se gjithashtu janë kofiskuar disa makina dhe mjete të tjera, ndërsa gjatë hetimit janë përdorur masa të fshehta. Lumezi ka falenderuar gjithashtu prokurorët e Shqipërisë, Prokurorët Italianë, policinë shqiptare dhe policinë e Italisë për bashkëpunimin.
“Policia e Kosovës, në bashkëpunim të ngushtë me policinë, autoritet italiane dhe auto amerikane. Janë konfiskuar 400 kg kokainë vlera e të cilave arrinë rreth 20 milionë euro. Po ashtu janë konfiskuar disa makina dhe mjete tjera. Gjatë hetimit janë përdorur masa të fshehta duke shikuar lëvizjen e të dyshuarve nga Italia deri në vendin tonë. Ju dërgojmë mesazh të qartë të gjitha grupeve kriminale se do të përballen me drejtësinë. Jemi të vetëdijshëm se nuk mund të luftohen nga një shtet i vetëm. Ashtu kemi bashkëpunuar me shtete tjera duke e ditur se krimi mund të na prek të gjithëve. kemi arritur të mposhtim krimin e organizuar. Më lini të falënderoj prokurorët e Shqipërisë, Prokurorët Italianë, policinë shqiptare dhe policinë e Italisë”, tha ai.
Kreu i SPAK, Arben Kraja ka thënë se Prokuroria e Posaçmae Kundër Korrupsionit dhe Krimit të Organizuar ka qenë e përfshirë që në fillim të operacionit. Kraja tha se puna që po bëhet është serioze dhe ky është një mesazh për të gjithë ata që iu shkon në mendje të merren me aktivitete të tilla kriminale.
“SPAK ka qenë e përfshirë në hetimin e këtij rasti që në momentet e para që ka ardhur informacioni nga autoritetet e huaja me të cilat ne bashkëpunojmë në mënyrë të vazhdueshme dhe jemi këtu sot me produktin që kemi arritur.
Ka dy momente që duhen vlerësuar në këtë rast. Momenti i parë që organizatat apo grupet e strukturuara kriminale ushtrojnë aktivitetin në një territor shumë të gjerë, nga Brazili deri në Kosovë, duke kaluar në shumë territore dhe kjo tregon që kanë rritur shkallën e rrezikshmërisë së tyre. Por nga ana tjetër reagimi që bëjnë institucionet tona, duke filluar nga autoritetet e huaja shqiptare, të Kosovës, italiane tregon që nëse do jemi të gjithë bashkë, do koordinojmë me njëri-tjetrin pa diskutim që do jemi të suksesshëm dhe besoj që bllokimi i një sasie të tillë tregon që efektiviteti i strukturave tona ishte në lartësinë e duhur. Duhet ta kemi të qartë të gjithë që ne e kemi seriozisht dhe jemi të vendosur që deri në fund të luftojmë raste të tilla. Ky është një mesazh për të gjithë ata që mund t’iu shkojë mendja të merren me aktivitete të tilla kriminale. Dua të falënderoj të gjitha autoritetet që kanë bashkëpunuar për këtë hetim”, tha Kraja.
