Sekretari Amerikan i Shtetit, Antony Blinken i cili po shoqëron presidenti e SHBA në turin e tij në Europë do të takohet edhe me kryeministrin Rama.
Mësohet se sekretari amerikan i Shtetit, Antony Blinken do të zhvillojë këtë të dielë një takim me kryeministrin Edi Rama në orën 17:30 në Bruksel. Kujtojmë se ky takim vjen në një moment të rëndësishëm për vendin tonë, kur në muajin e ardhshëm pritet vendimi për hapjen e negociatave të anëtarësimit në Bashkimin Europian.
Lajmin e bën me dije DASH, përmes një njoftimi ku thuhet se takimi do të mbahet sot në Bruksel.
Së fundmi, presidenti Joe Biden firmosi një urdhër ekzekutiv për të ndëshkuar ato zyrtarë apo ish-zyrtarë që destabilizojnë Ballkanin, duke përfshirë në mënyrë eksplicide dhe Shqipërinë. Atyre sipas këtij urdhri ekzekutiv do t’u sekuestrohet pasuria dhe që njihen se janë përfshirë në aferat korruptive.
Axhenda e Sekretarit Antony J. Blinken
Sekretari Blinken shoqëron Presidentin Biden gjatë udhëtimit në Cornëall, Mbretëria e Bashkuar; Bruksel, Belgjikë; dhe Gjenevë, Zvicër.
17:30 pasdite Sekretari Lokal Blinken takohet me Kryeministrin shqiptar Edi Rama, në Bruksel, Belgjikë.
Kujtojmë se zhvillimet e fundit politike mes Shqipërisë dhe SHBA, kur vetëm 1 muaj më parë DASH vendosi të shpallë “non-grata” ish-kryeministrin Sali Berisha dhe disa zyrtarë të korruptar të Bullgarisë. Këto vendime të marar nga DASH kanë ngjallur mjaftë polemika dhe reagime, nga politikanë dhe jo vetëm.
