Në Sarandë, mëngjesin e sotëm ka ndodhur një aksident ku është përfshirë një automjet i pastrimit.
Sipas burimeve, thuhet se automjeti është përmbysur në rrugë dhe ka mbetur e plagosur një punonjëse, ndërsa mjeti ka dëmtuar edhe sinjalistikën rrugore.
Punonjësja, identiteti i së cilës akoma nuk dihet, është dërguar menjëherë në spital për të marrë trajtimet mjekësore.
Sipas dëshmive të marra nga persona që ndodheshin aty në atë moment, thuhet se shoferi kishte zbritur nga mjeti dhe një nga punonjëset e firmës ka hequr frenat e dorës e për këtë arsye makina ka lëvizur dhe ka rënë në pjesën e majtë të rrugës hyrëse duke shkaktuar dëme.
