Samiti Brdo-Brijunit ku liderët e Ballkanit Perëndimor janë bërë bashkë edhe një herë pas atij të Berlini, duket se nuk ka një atmosferë aq paqësore sa ç‘pritej të ishte dhe përsëri shkak është Serbia.
Që prej mbrëmjes së djeshme, Aleksander Vuçiç ka shprehur pakënaqësinë e tij duke thënë për mediat serbe se “shqiptarët vazhdojnë flasin për bashkim kombëtar dhe askush nuk reagon”.
Po cili ka qenë shkaku i kësaj deklarate? Pikërisht takimi i organizuar mes presidentit kosovar Hashim Thaçi dhe kryeministrit Edi Rama.
Në njoftimin e nxjerrë për median është thënë se “ishte rënë dakord për krijimin e një hapësire shqiptare pa kufi, nën ombrellën euroatlantike”.
Pikërisht këto fjalë janë cilësuar të papranueshme dhe provokim për presidentin serb, i cili zemëratën e tij e ka çuar deri aty sa ka refuzuar fotografinë zyrtare ku i pranishëm ka qenë presidenti Meta.
Gjithashtu pjesë e fotografisë ishin edhe Kolinda Grabar-Kitarovic dhe Andrzej Duda-n, mikpritës të samitit të Brdo-Brijunit, por kjo sigurisht që nuk e ka penguar Vuçiçin të ndërmerrte hapat e tij.
