Në Samitin e Sllovenisë, ka pasur një takim mes kryeministrit të Kosovës, Albin Kurti dhe presidentit serb, Aleksandër Vuçiç. Kujtojmë se në takim kanë marrë pjesë edhe kancelarja gjermane Angela Merkel dhe presidenti francez Emmanuel Macron.
Kurti me anë të një postimi në rrjetet sociale pas mbarimit të takimit ka thënë se është diskutuar në lidhje me Procesin e Berlinit dhe disa çështje të tjera si është lëvizja e lirë dhe njohja e diplomave.
“Në takimin me kancelaren Angela Merkel, presidentin Emmanuel Macron dhe presidentin e Serbisë ne folëm për Procesin e Berlinit, lëvizjen e lirë dhe njohjen e diplomave. Ne mbështesim marrëveshjet në të cilat të gjitha gjashtë shtetet e Ballkanit Perëndimor trajtohen si të barabarta dhe qytetarët janë përfituesit e fundit”, ka shkruar ai në Tëitter.
Ndërsa Vuçiç deklaroi se Serbia nuk do të jetë në gjendje që t’i bashkohet Bashkimit Evropian nëse nuk zgjidh çështjet e pazgjidhura me Kosovën. “Ka perspektivë për zgjerim, por është e qartë se jo të gjithë anëtarët (e BE-së) kanë të njëjtin oreks”, -tha Vuçiç për gazetarët pas samitit në Bërdo mes BE-së dhe shteteve të Ballkanit Perëndimor. “Pa i zgjidhur çështjet me Prishtinën, Serbia nuk do të jetë në gjendje që t’i bashkohet BE-së”, tha ai.
