Ditën e sotme do të mbahet në Bruksel samiti i liderëve të Bashkimit Evropian me ata të Ballkanit Perëndimor. Të pranishëm në këtë samit do të jenë kryeministri Edi Rama dhe presidentja e Kosovës, Vjosa Osmani.
Samiti BE-Ballkani Perëndimor do të drejtohet nga Presidenti i Këshillit Evropian, Charles Michel. Në njoftimin e bërë publik nga ky institucion thuhet se ky takim mes liderësh është një mundësi për të rikonfirmuar rëndësinë kyçe të partneritetit strategjik midis BE-së dhe Ballkanit Perëndimor.
Janë bërë publike dhe temat kryesore të diskutimit:
- Afrimi i partnerëve të Ballkanit Perëndimor me BE-në dhe avancimi i integrimit
- Ndërtimi i themeleve ekonomike për të ardhmen dhe zbutjen e ndikimit të agresionit rus kundër Ukrainës
- Intensifikimin e angazhimit politik dhe politik
- Përforcimi i sigurisë
Një konferencë e përbashkët për shtyp do të mbahet nga presidenti i Këshillit Evropian, Charles Michel, dhe presidentja e Komisionit Evropian, Ursula von der Leyen.
BE-ja po synon vazhdimisht të sjellë Ballkanin Perëndimor më afër vetes. Liderat e BE-së po përdorin instrumentet ekzistuese politike dhe ligjore për të zhbllokuar mundësitë për bashkëpunim dhe integrim mes Ballkanit Perendimor.
