Samiti i Berlinit, Rama: “Kërkojmë mbështetjen e Merkel për çeljen e negociatave”

Google+ Pinterest LinkedIn Tumblr +

Për pak minuta pritet të nis takimi mes kancelares Merkel dhe dy kryeministrave të Shqipërisë dhe Maqedonisë. Ashtu siç e kemi theksuar dhe më përpara,  fokusi këtij samiti do të jetë Kosova dhe mundësitë për të rinisur dialogun e bllokuar mes Prishtinës dhe Beogradit.

Në një intervistë të dhënë për  “tch”, kryeministri Edi Rama pritet t’i kërkojë kancelares Merkel, mbështetje për çeljen e negociatave për antarësim.

“Është një moment rikapitulimi i 5 viteve proces të Berlinit dhe risia është se jemi në një Samit gjermano-francez me Kancelaren Merkel dhe Presidentin Macron për të adresuar të gjitha aspektet e një procesi historik si dhe për të diskutuar për temat me një rëndësi dhe një peshë të posaçme. Por, sigurisht që për sa na takon do të fokusohemi tek ecuria e Shqipërisë në procesin e integrimit evropian dhe padyshim tek domosdoshmëria për afirmuar se Shqipëria meriton të hedhë hapin e madh dhe të shumëpritur të negociatave për anëtarësim.” – ka theksuar kryeministri.

I pyetur dhe për diskutimet që do të bëhen për çështjen e Kosovës , kryeministri është shprehur që inkurajojmë dialogun dhe do të mbështesim pa rezervë një marrëveshje që ka mbështetjen e plotë të autoriteteve dhe përfaqësuesve të popullit të Kosovës

“Ka  një sesion të veçantë për dialogun mes Kosovës dhe Serbisë. Pozicioni ynë ka qenë dhe mbetet shumë i qartë. Ne inkurajojmë dialogun dhe do të mbështesim pa rezervë një marrëveshje që ka mbështetjen e plotë të autoriteteve dhe përfaqësuesve të popullit të Kosovës. Si dhe mbështetjen dhe garancinë e SHBA-së  dhe BE-së.” – përfundoi fjalinë e tij kryeministri Rama.

Shpërndaje
Share.

Komento